【RC Vlog分享】驚喜! 原裝車挑戰Kyosho MR-04 Evo2高速行走！原裝車都好跑得！？成個RC業界俾你搞軭晒！？

更多關於Kyosho MR-04題目:

【RC Vlog分享】驚喜! 原裝車挑戰Kyosho MR-04 Evo2高速行走！原裝車都好跑得！？成個RC業界俾你搞軭晒！？
Kyosho 京商Mini-Z MR-04 Evo2 簡介三種版本有何分別協助你選擇(綠色4100KV / 藍色5600KV / 紅色8500KV)
(開箱) Kyosho京商Mini-Z MR-04 EVO2配置公開和上一代MR03零件兼容程度? 遙控速度大升級 ! 有感無刷馬達更順? 對應三和遙控系統罕見90mm軸距車殼GR Yaris同期推出

前言
估唔到一架原裝車可以有咁既效果，先載頭盔Mode On，之所以咁好既表現我相信同MMS跑道高找著力狀態有關係，所以先用得到Kyosho車呔，市面上仲有更咬車呔選擇咖。

點解想做呢個題目
又係我Wing Wing，點解會想做呢個題目？因為呢部Kyosho MR-04 Evo2剛剛新推出，好多升級件都未有推出，暫時買到只得彈弓，新車專用查查暫時未有，如果唔想用MR03舊車件改裝到MR-04使用，就沒有選擇了，所以就想試下原裝咩都唔換，體驗原裝車效果係點，加上我已經有一段時間無玩蚊車類遙控車，已經感覺蚊車類遙控車好難設定/整，因為咁所以拍片分享比大家知，其實要玩到行到，其實唔使整太多野，當然日後有改件也是需要升級的，建議隨自己喜好選擇合適改裝升級，升級後總會好啲多啲設定玩，有些零件可增加車架穩定性

實際高速走行效果分享
睇返行走片段，當日用Kyosho 新Audi R8車殼（2015）這款車殼特性，轉灣會圓灣一些比起麥拿倫12C，車頭以及車尾用Kyosho 30度呔轉灣都唔會反車，直路開油行得直，撳油也肯向前加速無古怪動作，沒有反車，當然亂扭呔盤也是會反車的，正常地駕駛是十分穩定的，雖然加左AW做阻力油在中吸震筒，但係原裝中撐吸震筒仍然唔夠吸震，車尾比較彈跳但行走表現仍相當不錯

分享下MR-04原裝狀況程度
車款方面闊陣98mm Kyosho 後期款R8（2015），車呤為Yeah Racing 頭窄呤Offset 1度，尾闊呤Offset 1度，頭呔為Kyosho 30度窄薄呔，尾呔為Kyosho 30度闊有紋呔，現在流行有紋呔車架其他原裝狀況，原裝頭彈弓，原裝膠搖臂，膠轉向杯，膠馬達座，車尾是膠T板，只是中吸震筒加入適量AW，鋼芯塗滿AW，令其有阻泥感！

Tamiya AW Grease 相當出名，買Tamiya萬向節必定有包含的抗磨油，我們將AW加入到筒內，最緊要是軸壓塗滿AW令阻力加強，因為原裝筒虛位較大，只能靠軸芯多加點阻力，我拍攝了超慢鏡做前/後比較，這個是加入AW 前，這個是加入AW之後，看得到已經不彈跳了，即時對比，明顯吸震好了，也不一定用AW Grease，用重一點的阻力油或差速油相信效果接近！

這就是原裝Kyosho MR-04 Evo2狀況，基本上沒有換過改裝件，用開盒跟車零件，但由於車呔不包，可自由選擇流行的車呔，以及Audi R8車殼，做出片段裡MR-04行走情況

動力方面用藍色馬達5600KV配8T馬達齒，用原裝跟車走珠差速，而電池是用Yeah racing 800mah，這一款電池我認為性價比OK，如果不想用太多錢買更靚電池，你可能會用IKEA電池，為何不選擇用差不多的價錢買一排遙控車用既電池呢？我覺得是一個不錯的選擇，當然市面上PN 750mah會流行一些，
相信玩一些動力較細的馬達例如綠色4100kv，相信分別會較明顯，適合追求極致效果駕駛者，以及750mah容量聽聞也比較有爆發力