Chiikawa 人魚劇場版 4DX：已睇過朗豪坊，再刷 APM B+ 版本咖哩特別辣？

未睇過 4DX 嘅絕對值得睇一次，劇場版的大場面非常適合！至於已經睇過朗豪坊 4DX 嘅 Chiikawa Fans，值得再去 APM B+ 刷多一趟！

最近分別喺朗豪坊同 APM B+ 睇咗 Chiikawa 4DX 版本。因為喺網上見到 APM B+ 評價幾特別，於是就決定去 APM 再感受一次！

APM B+ 嘅體驗確實更加豐富。座位硬件上似乎有啲唔同，雖然搖動幅度接近，但 APM B+ 多咗非常明顯嘅飄雪同泡泡效果，整間戲院亦多咗閃光燈，加上座位背部有暖風，令整體氣氛提升唔少。至於網上傳聞嘅炒麵氣味就唔覺有。趁記憶猶新，以下幫大家列出體感同劇情的實測分別：

體感
[觸發場面] 兔兔撐船逃走、島二郎出絕招，呢兩幕效果特別出色！
所有大場面都搖得比朗豪坊激烈（亦可能係錯覺）。4DX 座位係一組四個連動，今次喺 APM B+ 我坐最邊緣位置，而上次朗豪坊比較置中；個人覺得 APM B+ 動感較強，可能係邊緣位置放大咗移動幅度。

氣味
同網上傳聞有啲出入，整體同朗豪坊差不多，特定場面會有香水/香薰味。

座位枕後噴氣
朗豪坊嘅噴氣刺激感較大；APM B+ 則稍為柔和，但勁道（Punch）依然好足，體驗較舒服。

模擬環境風
APM B+ 嘅風力比較細緻。
朗豪坊風力較強，強烈得好似季候風 APM B+ 就比較似天空嘅海風。

座位暖風
只有 APM B+ 有暖風輸出！
[觸發場面] Chii、小八、兔兔喺營火旁唱歌 / 賽蓮幫手吹乾 Chiikawa / 以及所有出現火光 / 出現辣咖哩嘅時刻。因為咁睇到咖哩場面時感覺特別熱辣！

閃光效果
只有 APM B+ 出現，而且好多細節位都有觸發（多到記唔晒咁多位 😆）。

飄雪 / 泡泡效果
只有 APM B+ 出現（抑或係朗豪坊太不明顯？）。
[觸發場面] 剛登島受島民歡迎時、賽蓮山洞出現/迷惑場面，以及準備離島上船歡送時。

座位正面噴霧
[觸發場面] 跌落水、島二郎跳落海、以及受攻擊時都有觸發。

總結: 朗豪坊同 APM B+ 嘅 4DX 確實有顯著分別！所以Chiikawa Fans 絕對值得去 APM 多刷一次 👍
(😢不過覺得下星期APM不一定有4DX期上了，如果仍然有期上建議不要錯過)